Жезқазғанның Ұлытауы Жетісайдың экс-жартылай қорғаушысымен толықты

Жезқазған клубының баспасөз қызметінің мәліметінше, «Ұлытау» футбол клубы құрамын жаңа ойыншымен – жартылай қорғаушы Рамазан Абылайханмен толықтырды.

Өткен маусымда Абылайхан «Жетісай» сапында 33 матч өткізіп, 18 гол соғып, 8 нәтижелі пас берді. Бұған дейін ол «Академия Оңтүстік», «Мақтаарал» және Қырғызстанның «Дордой» клубтарында ойнаған.

Айта кетерлігі, бұл жезқазғандықтардың бір күнде жасаған үшінші трансфері болды. Бұған дейін команда украиналық «Подольенің» бұрынғы қақпашысы Дмитрий Непогодовпен және «Елимайдың» экс-қорғаушысы Сергей Кейлермен келісімшартқа отырғанын хабарлаған болатын.