Жаңа Зеландия тарихында үшінші рет әлем чемпионатына өтті

Reuters мәліметінше, Жаңа Зеландия құрамасы мұхиттық іріктеудің шешуші матчында Жаңа Каледонияны 3:0 есебімен жеңіп, әлем чемпионатына қатысу құқығына ие болды.

Бұл жаңазеландиялықтар үшін тарихтағы үшінші мундиаль болмақ. Бұған дейін олар 1982 және 2010 жылдары әлем чемпионатына қатысқан.

Жаңа Каледония әлі де турнирге өту мүмкіндігін сақтап отыр. Команда құрлықаралық плей-оффта ойнайды, онда УЕФА-дан басқа бес конфедерацияның алты құрамасы екі жолдама үшін таласады.

2026 жылғы әлем чемпионаты алғаш рет 48 команда қатысатын форматта өтеді. Турнир АҚШ, Канада және Мексикада ұйымдастырылады.

Біздің парақшамыздан футбол матчтарының барлық нәтижелерін Live форматта бірінші болып біліңіз!