YEKINDAR FURIA Esports-ке қосылу туралы күтпеген шешімін айтты

FURIA Esports ойыншысы Марэк «YEKINDAR» Галинскис Даниил «Zeus» Тесленкомен сұхбатында мансабы туралы ойларымен бөлісті.

VP кезінде мен қатты аимдадым, әлемдік топ-8-де болдым және тағы басқа деп көпшілік айтуы мүмкін, бірақ мен қазір өзімді ең жақсы ойыншы деп санаймын. Адамдарды, командалық жұмысты, ойынды басқаша қабылдаймын, — деді Галинскис.

Киберспортшы командадағы адами факторлардың маңыздылығын атап өтті — ұқсас көзқарастағы пікірлестерді табу оңай болмағанын айтты.

Шындығында, FURIA мені шақырғанға дейін, мен онда қалатынымды ойламаған едім. Команданың ішкі жағдайын түсініп, адамдармен жақынырақ танысқаннан кейін ғана шешім қабылдадым, — деп бөлісті YEKINDAR.

FURIA Esports құрамында жарты жылдық өнер көрсету барысында команда маңызды жетістіктерге қол жеткізді:

• BLAST.tv Austin Major 2025 турнирінде топ-8
• FISSURE PLAYGROUND 2 чемпиондығы
• Thunderpick World Championship 2025 жеңісі