Ян Вертонген маусым соңында мансабын аяқтайды

«Андерлехт» капитаны Ян Вертонген 2024/25 маусымының соңында кәсіби мансабын аяқтайтынын мәлімдеді.

37 жастағы қорғаушы «Тоттенхэм» сапында сегіз жыл ойнап, 315 матч өткізген. Осы кезеңде ол АПЛ-дің үздік құрамына екі рет енді және Чемпиондар лигасының финалына дейін жетті.

Бельгия құрамасы үшін Вертонген рекордтық 157 матч өткізіп, өткен жылы халықаралық мансабын аяқтады. Биылғы маусымда жарақаттарға байланысты «Андерлехт» сапында тек бес ойынға қатысты.

«Мен жаттығуларға және ойындарға физикалық дайындалу, өзім болғым келетін ойыншы болу барған сайын қиындай түскенін байқадым — бұл жанкүйерлер мен командаластарыма ғана емес, өзіме де қатысты. Сондықтан осы маусымнан кейін тоқтау туралы шешім қабылдаймын», — деді Вертонген.

Қорғаушы мансабында сонымен қатар «Аякста» ойнап, командамен бірге Нидерланд чемпионатын және кубогын екі реттен жеңіп алды. Ал «Тоттенхэмнен» кеткеннен кейін «Бенфика» құрамында Португалия чемпионы атанды.

Біздің парақшамыздан футбол матчтарының барлық нәтижелерін Live форматта бірінші болып біліңіз!