WBC чемпионы Адамес Алимханұлымен жекпе-жек өткізу туралы үндеуге жауап берді

Орта салмақтағы WBC әлем чемпионы Карлос Адамес IBF және WBO белбеулерінің иегері Жәнібек Алимханұлымен біріктіру жекпе-жегін ұйымдастыруға жанкүйердің үндеуіне жауап берді.

Жанкүйер доминикандыққа біріктіру жекпе-жектерінен ешқашан қашпаған боксшы Геннадий Головкинді еске салды:

«Онымен жекпе-жек өткізсеңші! Головкиннің Лемье, Джейкобс, Мурата сияқты басқа чемпиондармен титулдарды біріктіруде ешқандай мәселесі болған жоқ. Неліктен сіздер үшін бұған қол жеткізу соншалықты қиын? Сіздер мегакелісімшарттар жасалатын ‘Канело’ немесе Флойд емессіздер ғой»

Адамес жауабында қазақстандық боксшыны жекпе-жектен жалтарды деп айыптады:

«Егер ол қаламаса, мен не істей аламын?»

Бұған дейін доминикандық Алимханұлының жоғары салмақ дәрежесінде Сауль «Канело» Альвареспен кездесу ниетін келеке еткен болатын. Ақпан айындағы соңғы жекпе-жегінде Адамес британдық Хамза Ширазбен тең түссе, Алимханұлы бірнеше күн бұрын Астанада француз Анауэль Нгамиссенгені нокаутпен жеңіп, өз титулдарын сәтті қорғады.