Владимир Кличко Тайсон Мен Полдың жекпе жегіне байланысты рингке оралудан бас тартты

Daily Mail басылымында жарияланған ақпаратқа сәйкес, ауыр салмақтағы әлемнің бұрынғы чемпионы Владимир Кличко кәсіби боксқа оралуы мүмкін екенін мәлімдеді. Алайда, Майк Тайсон мен Джейк Пол арасындағы жекпе-жекке қатысты теріс реакциялар украиналық спортшының бұл жоспарларын қайта қарауға мәжбүр етті.

48 жастағы Кличко британдық боксшы Даниэль Дюбуамен (22-2, 21 КО) жекпе-жек өткізу мүмкіндігін қарастырды, бірақ Тайсон — Пол жекпе-жегінің анонсы мен оның әлеуметтік желілерде талқылануы оның бұл ойынан бас тартуына себеп болды.

Владимир Кличконың соңғы кәсіби жекпе-жегі 2017 жылы өткен. Сол кезде ол британдық боксшы Энтони Джошуаға (28-4, 25 КО) техникалық нокаутпен жеңілді.

Айта кетейік, Майк Тайсон 58 жасында рингке қайта оралуға шешім қабылдап, Джейк Полмен жекпе-жек өткізуді жоспарлап отыр. Бұл жекпе-жек бокс қауымдастығында үлкен даулы реакция туғызды.