Винисиус Жуниордың агенттері «Реалдың» ұсынған жаңа келісімшартына көңілі толмады

Мадридтік «Реал» бразилиялық шабуылшысы Винисиус Жуниормен келісімшартты ұзарту туралы келіссөздерді ресми түрде бастады, деп хабарлайды Relevo.

Футболшының агенттері клуб басшылығымен алғашқы кездесу өткізіп, ұсынылған қаржылық шарттарға толықтай қанағаттанбағаны белгілі болды. Бұл келіссөздердің бастапқы кезеңі болғандықтан, тараптар өз ұстанымдары мен ниеттерін ғана білдірген. Нақты келіссөздер 2025 жылдың жазында жалғасады.

«Реал» басшылығы келіссөздердің оңай болмайтынын түсінеді, алайда клуб белгіленген жалақы жүйесінен ауытқуды жоспарламайды және шектен тыс қаржылық талаптарды қанағаттандырмайды.

Айта кетейік, Винисиус Жуниордың қазіргі келісімшарты 2027 жылдың жазына дейін жарамды.