ҰХЛ(NHL) матчында жаппай төбелес болды

ҰХЛ-дің ресми сайтының хабарлауынша, «Вашингтон»  мен «Сиэтл» командаларының тұрақты чемпионаттағы кездесуінің үшінші кезеңінде жаппай төбелес орын алды. Оқиға жетінші минутта, есеп 2:2 болып тұрған сәтте болды.

Төрешілер әр команданың бес хоккейшісін алаңнан шығаруға мәжбүр болды. «Вашингтон» сапында Том Уилсон, Пьер-Люк Дюбуа, Джон Карлсон, Тревор ван Римсдайк екі минуттық айыппұл алса, Брэндон Дьюхэйм төрт минутқа жазаланды.

«Сиэтл» жағынан Джон Хэйден, Джош Махура, Тай Картье, Брэндон Монтур және Мики Эйссимонт екі минуттық айып алды. Бұдан бөлек, Дьюхэйм мен Хэйден он минуттық тәртіптік жазаға тартылды. Жалпы айыппұл уақыты 42 минутты құрады.