Уго Гатти Криштиану Роналдудың мәлімдемесіне пікір білдірді

Bolavip мәліметінше, Аргентина құрамасының бұрынғы қақпашысы Уго Гатти жақында Криштиану Роналдуның өзін барлық уақыттың үздік футболшысы деп атаған мәлімдемесіне қатысты ойын білдірді.

40 жасқа толған «Әл-Наср» мен Португалия құрамасының шабуылшысы осындай пікір айтып, футбол қауымдастығында қызу талқылауға себеп болды.

«Мен Криштиану Роналду сияқты батыл ойыншылар көп болғанын қалар едім – ол ашық айтады, ал көптеген футболшылар дәл солай ойлағанымен, үндемейді. Бұл оны Мессиден ерекшелендіреді, мен Лионельдің ешқашан мұндай сөздер айтқанын естімеппін», – деді Гатти.

Сонымен қатар, бұрынғы қақпашы Роналдудың жасы ұлғайса да жоғары деңгейде өнер көрсетіп жүргеніне құрметпен қарайтынын жеткізді. Алайда, оның бұл мәлімдемесін тым өркөкірек деп бағалап, аңызға айналған Пеледен асып түсу мүмкін емес екенін атап өтті.