УЕФА «Реал Мадридтің» төрт ойыншысына қатысты тергеу бастады

УЕФА ресми сайтының хабарлауынша, «Реал Мадридтің» төрт футболшысына қатысты тергеу басталды. Антонио Рюдигер, Килиан Мбаппе, Винисиус Жуниор және Дани Себальос «Атлетикомен» матчтан кейінгі әрекеттері үшін жауапқа тартылуы мүмкін.

Оқиға Чемпиондар лигасының 1/8 финалында «Реал Мадрид» қалалық қарсыласын пенальти сериясында жеңгеннен кейін орын алды. Ойыншылар жанкүйерлерге әдепсіз ишараттар жасады. Телекамералар Рюдигердің тамақ кесу ишаратын, ал Мбаппенің шап тұсында әдепсіз қимыл жасағанын тіркеді.

«Атлетико» бұл әрекеттерге наразы болып, УЕФА-ға шағым жолдады. Енді этика және тәртіп жөніндегі инспектор тергеу жүргізеді. Футболшыларға дисквалификация қаупі төніп тұр. Алайда комиссия істі 8 сәуірде «Арсеналмен» өтетін ширек финалға дейін қарап үлгере ме, белгісіз.

УЕФА мәлімдемесінде:

«Әдепсіз мінез-құлық айыптауларын тергеу үшін этика және тәртіп жөніндегі инспектор тағайындалды. Бұл іс бойынша қосымша ақпарат белгіленген тәртіппен ұсынылады», — делінген.

Біздің парақшамыздан футбол матчтарының барлық нәтижелерін Live форматта бірінші болып біліңіз!