УЕФА пенальти орындау ережелерін қайта қарастырмақ

УЕФА Чемпиондар лигасындағы «Реал» мен «Атлетико» арасындағы матчта болған оқиғаға байланысты ИФАБ және ФИФА ұйымдарымен пенальти ережелерін талқылауға ниетті.

Даулы сәт Хулиан Альварес 1/8 финалда «Реалға» қарсы пенальти орындау кезінде тайғанап, допқа екі рет тиген кезде орын алды. Тибо Куртуаның қақпасына кірген гол VAR қарауынан кейін есепке алынбады.

Қазіргі 14.1 ережесіне сәйкес, ойыншы басқа футболшы допқа тигенге дейін оған қайтадан тиюге құқығы жоқ. Сондықтан бейне көмекші төреші голды жоюға міндетті болды.

«Реал» пенальти сериясында 4:2 есебімен жеңіске жетіп, келесі кезеңге өтті. Ал «Атлетико» үшін бұл принципті қарсыласқа қарсы пенальти сериясындағы алтыншы жеңіліс болды.