УЕФА «Атлетико» – «Реал» матчының даулы пенальтиі бойынша ресми түсініктеме берді

Sports.ru мәліметінше, УЕФА Чемпиондар лигасының «Атлетико» мен «Реал» арасындағы матчында пенальти сериясында жойылған голға қатысты ресми түсініктеме берді.

Шешуші пенальти кезінде Хулиан Альварес соққы жасамақ болғанда тайып кетіп, доп оның екі аяғына тиді. Бас төреші Шимон Марчиняк бұл эпизодты ВАР жүйесімен қайта қарап, голды жою туралы шешім қабылдады.

УЕФА мәлімдемесінде:

«Кішкене болса да ойыншы тіреп тұрған аяғымен допқа тиген, бұл бейнеде анық көрсетілген. 14.1-ережеге сәйкес, ВАР төрешіге голды жою туралы хабарлауға міндетті болды», — деп көрсетілген.

Сонымен қатар, УЕФА осындай жағдайларда ережені қайта қарастыру мүмкіндігін талқылау үшін ФИФА және IFAB ұйымдарымен келіссөздер жүргізуді жоспарлап отыр.

Матчтың негізгі уақыты тең аяқталып, «Реал» пенальти сериясында 4:2 есебімен жеңіске жетіп, келесі кезеңге өтті.