«Тұран» жаңа маусым алдында үш легионер-жартылай қорғаушымен толықты

Түркістан клубының баспасөз қызметінің хабарлауынша «Тұран» футбол клубы құрамын нығайтуды жалғастыруда, командаға үш жаңа легионер-жартылай қорғаушы келді.

Жаңа ойыншылар қатарында өзбекстандық Бехрузбек Асқаров (бір маусымға «Пахтакордан» жалға алынды) беларусь Руслан Юденков және черногориялық Горан Милойко (екеуі де — «Қайсардың» бұрынғы ойыншылары) бар.

Жаңа трансферлердің өткен маусымдағы көрсеткіштері жақсы — 21 жастағы Асқаров 25 ойында 1 гол соғып 1 нәтижелі пас берді, Юденков 23 кездесуде 5 доп соғып 1 голдық пас берген, ал Милойко 19 ойында 2 гол мен 2 нәтижелі пас тіркеді.

Атап өтерлігі бір күн бұрын клуб тағы алты легионермен келісімшартқа отырғанын жариялады:

• Егор Хаткевич — қақпашы
• Хуршид Мұхторов — қорғаушы
• Йован Пайович — қорғаушы
• Василий Совпель — жартылай қорғаушы
• Константин Дорофеев — шабуылшы
• Лука Згурский — шабуылшы