Thorin: “Поляк жанкүйерлері тек ең үздіктерді жек көреді”

Counter-Strike 2-нің танымал сарапшысы Данкан “Thorin” Шилдс IEM Katowice 2025 турнирінде жанкүйерлердің теріс реакциясына тап болған Team Spirit ойыншысы Данил “donk” Крышковецті қолдады.

Ашылу салтанатында ESL вице-президенті Майкл “Carmac” Бличарж турнир қатысушыларын таныстырған кезде, поляк жанкүйерлері donk-ты ысқырып қарсы алды. Кейінірек Team Spirit пен Virtus.pro арасындағы матчта көрермендер Natus Vincere командасының атын айқайлап, ресейлік ойыншыға қысым көрсетті.

Бұл жағдайға қатысты Thorin өз X парақшасында: “Алаңдама, donk. Поляк жанкүйерлері тек ең үздіктерді жек көреді” – деп жазды.

IEM Katowice 2025 турнирі 29 қаңтар – 9 ақпан аралығында өтуде. Жүлде қоры – 1 миллион доллар. Бүгін Team Spirit командасы плей-офф кезеңіндегі маңызды кездесуде NAVI-мен күш сынасады.