«Team Spirit» менеджері денсаулығына байланысты DreamLeague турнирін өткізіп алады

Telegram-дағы «Team Spirit» мәліметі бойынша дота құрамының менеджері Дмитрий «Korb3n» Белов денсаулық жағдайына байланысты жақын арадағы турнирге қатыса алмайды.

Дәрігерлер маманға толық сауығуға дейін демалыс алуды ұсынды — бұл оның DreamLeague Season 25 турнирін (16-шы ақпан мен 2-ші наурыз аралығында өтеді) өткізіп алатынын білдіреді.

Турнирге 16 команда қатысып мынадай сыйлықтар үшін таласады:

• 1 миллион доллар көлеміндегі жүлде қоры
• ESL Pro Tour-дың 20 440 ұпайы

«Өкінішке орай медициналық себептерге байланысты Дмитрий Korb3n Белов келесі турнирде командамен бірге болмайтынын хабарлаймыз, біз Димаға тез сауығып кетуін тілейміз» — делінген ұйымның мәлімдемесінде.