«Team Liquid» жаттықтырушысының анасынан әзілге қалған сәті

«Team Liquid» жаттықтырушысы Уильям «Blitz» Ли анасының әзіліне ілікті. Оның анасы Dota 2 бойынша PGL Wallachia Season 3 турнирінде командасының жеңісінен кейін ұлына әзілдеп хабарлама жазған.

Blitz-тің X әлеуметтік желісінде бөліскен хат алмасуында анасы былай деп жазған:

«Сенің командаң бұл турнирде керемет ойнап жатыр. Менде қайтадан TI-ға бару мүмкіндігі пайда болды, ха-ха. Жеңіспен құттықтаймын. Олар сенсіз жеңіске жетті, ха-ха. Сен жақсысың ба?»

Blitz қысқа жауап қайтарды:

«Қинама, анашым.»

Бұған дейін жаттықтырушы өзі де командасының жеңісіне байланысты X желісінде әзілдеп, «Мені топтық чаттан неге шығарып тастадыңдар?» деп сұраған болатын.

PGL Wallachia Season 3 турнирі Румынияда өтті. Бір миллион доллар жүлде қоры сарапқа салынған жарыстың финалында «Team Liquid» «Tundra Esports» командасын 3:1 есебімен жеңді.