«Team Liquid» күтпеген жеңіске жетті

PGL_Dota2 мәліметінше, «Team Liquid» PGL Wallachia Season 3 турнирінде топ жарды. Бұл команда үшін үлкен жетістік, себебі соңғы уақытта олар жетінші орыннан жоғары көтеріле алмаған еді.

Турнир алдында ойыншы Йонас «SabeRLighT-» Волек батыл мәлімдеме жасап, өздерінің жеңіске жететінін айтты. Жанкүйерлер оның сөзін сенімсіздікпен қабылдағанымен, нәтиже керісінше болды.

SabeRLighT- бұл турнирде тамаша ойын көрсетті. Ол жоғары KDA көрсеткішімен және көптеген ассистерімен көзге түсті. Турнир барысында ол көбіне «Tidehunter», «Night Stalker» және басқа да офлейн кейіпкерлерін таңдады.

Оның ойыны команда үшін өте маңызды рөл атқарды. miCKe-ге шабуыл жасауға мүмкіндік беріп, Boxi-ге өз желісінде басымдыққа ие болуға көмектесті. Әсіресе «Falcons» командасына қарсы ойында керемет өнер көрсетті – қиын жағдайға қарамастан, шешуші сәтте Аегисті тартып алып, ойынның барысын өзгертті.

Бұл жеңіс SabeRLighT- үшін мансабындағы алғашқы LAN-трофей болды. Ол өзін тек тәжірибелі ойыншы ғана емес, чемпиондық құрамның маңызды мүшесі ретінде дәлелдеді.