Тайлер Диблингке Еуропаның алпауыт клубтары қызығушылық танытуда

BBC Sport хабарлауынша, «Саутгемптонның» 19 жастағы жартылай қорғаушысы Тайлер Диблинг өзінің ерекше стилімен Еуропаның жетекші клубтарының назарын аударды.

Ағымдағы маусымда Диблинг Премьер-лигада 25 матч өткізіп, 2 гол соқты, бірақ оның басты артықшылығы — допты алып жүру қабілеті. Орта есеппен бір матчта ол 207,3 метр қашықтықта дриблинг жасап, 83 әрекеттің 40-ы сәтті аяқталған.

— «Ол мен жұмыс істеген ең батыл ойыншы. Тайлер — ерекше талант. Табиғи күш, жылдамдық, қуат — бәрі бар», — дейді бұрынғы бапкері Адам Асгар.

Жас жұлдыздың клубпен 2027 жылға дейін келісімшарты бар, бірақ ол командадағы ең төмен жалақы алатын ойыншылардың бірі. Қаңтарда «Тоттенхэм» мен «РБ Лейпциг» сәйкесінше 35 және 30 млн фунт ұсынып, трансферге қызығушылық білдірген.

Қазір Диблингке келесі клубтар назар аударып отыр:

• «Манчестер Юнайтед»
• «Арсенал»
• «Тоттенхэм»
• «Бавария»

Жазғы трансфер кезеңінде оның болашағы қызу талқыланатын тақырыптардың бірі болмақ.

Біздің парақшамыздан футбол матчтарының барлық нәтижелерін Live форматта бірінші болып біліңіз!