Шаронов «Спартакты» дронмен аңдыды деген айыптауға жауап берді

Қазан «Рубинінің» бұрынғы бапкері Роман Шаронов Мәскеу «Спартагының» бұрынғы баспасөз хатшысы Антон Лисиннің 6 жыл бұрын болған оқиға туралы мәлімдемесіне жауап берді.

Лисиннің айтуынша «Рубинмен» матч алдындағы қызыл-ақтардың жаттығуы кезінде (ойын 0:0 есебімен аяқталған) күдікті дрон ұшып жүрген, матчтан кейін спартактықтардың сол кездегі бапкері Доменико Тедеско Шароновқа: «Good spy»» деп айтқан.

«Мен Лисин мырзаның кім екенін және оның мен туралы неге жазатынын білмеймін. Бірақ квадрокоптерді тек өз жаттығуларымды түсіру үшін ғана пайдаланамын.» — деп жазды Шаронов өзінің телеграм-арнасында.