Сарапшы: «Саутгемптонның» басқару моделі Премьер-лигада сәтсіз болды

BBC Radio Solent сарапшысы Адам Блэкмор «Саутгемптон» футбол клубының иесі Sport Republic компаниясының басқару шешімдеріне сын айтты. Оның пікірінше, иелер Хенрик Крафт пен Расмус Анкерсен, сондай-ақ инвестор Драган Солактың үмітін ақтамаған.

Екі трансферлік терезеде 14 жаңа футболшы алынғанымен, олардың тек бесеуі Премьер-лигада тұрақты ойын көрсете алған. Клубтың тәжірибелі ойыншылардан бас тартып, академия түлектері мен жас футболшыларға иек артуы аса қауіпті шешім болды:

• Хуан Лариос
• Секу Мара
• Сэм Эдози
• Камалдин Сулемана

«Бұл — әлемдегі ең қиын лига. Мұнда тәжірибесі жоқ жас ойыншыларды ала сала нәтижеге жұмыс істеу — қате. Олар бірден Премьер-лига қарқынына бейімделе алмайды», — деді Блэкмор.

Сарапшы сондай-ақ «Брентфорд» клубында сәтті қолданылған SmartOdds статистикалық жүйесінің болмауы Анкерсеннің трансферлік саясатына кері әсер еткенін атап өтті.

Біздің парақшамыздан футбол матчтарының барлық нәтижелерін Live форматта бірінші болып біліңіз!