Рё Хиракава Alpine сапында Жапония Гран-приінің алғашқы жаттығуына қатысады

Motorsport.com хабарлағандай, Alpine командасының резервтік пилоты Рё Хиракава Жапония Гран-приінің бірінші еркін жаттығуында A525 болидін жүргізеді. Ол бұл сессияда Джек Духанды алмастырады.

WEC-тің екі дүркін чемпионы Хиракава бұған дейін McLaren командасында резервтік пилот болған. 2023 жылы Абу-Даби Гран-приінде ол алғаш рет Формула-1 болидінің тізгінін ұстап, дебют жасаған еді.

«A525 рулінде отыруды асыға күтудемін. Он сегіз жыл бұрын Фудзиде Жапония Гран-приін алғаш рет көрермен ретінде тамашалаған едім, ал енді менің арманым — туған жерімдегі кезеңде Формула-1 болидін жүргізу — шындыққа айналып отыр», — деді жапондық жүргізуші.

Хиракава үшін Сузука — таныс трасса. Ол бұл автодромда Super Formula чемпионаты аясында он маусым бойы өнер көрсеткен.

Alpine сапындағы жұмысына қоса, Хиракава команданың Toyota-мен техникалық серіктестігі арқасында «Haas» командасының бейресми резервтік пилоты ретінде де тіркелген.