Рыбакина Страсбург турнирінде қытайлық теннисшіні жеңді

Қазақстанның бірінші ракеткасы, WTA рейтингінде 12-орында тұрған Елена Рыбакина Страсбург турниріндегі өнерін жалғастыруда.

Жарыстың екінші айналымында қазақстандық теннисші — қытайлық Ван Синьюйді (рейтингте 42-орын) 6:1, 6:3 есебімен сенімді түрде жеңді.

Келесі кезеңде Рыбакина поляк теннисшісі Магда Линеттпен (WTA рейтингінде 33-орын) кездеседі — ол бүгін словакиялық Ребекка Шрамкованы (41-орын) 6:4, 6:3 есебімен жеңді.

Жүлде қоры 925 661 еуро болатын Страсбург турнирі 24 мамырға дейін жалғасады — жеңімпаз 142 610 еуро мен 500 рейтингтік ұпай алады. Қазіргі чемпион америкалық Мэдисон Киз.