Руслан Костышин «Колос» клубының бас бапкері міндетін атқарады

Dynamomania.com мәліметінше, Руслан Костышин «Колос» футбол клубының бас бапкері міндетін атқарушы болып тағайындалды. Ол командамен жұмысын бастап кетті.

Украиналық маман үшін бұл – таныс клубқа оралу. Оның жетекшілігімен «Колос» әуесқой деңгейден еурокубоктар қатысушысына дейін көтеріліп, Украина Премьер-лигасында төртінші орынды иеленген еді.

2021 жылы бапкерлік қызметтен кеткеннен кейін Костышин клубтың вице-президенті болды, кейін Қазақстанға барып, «Ақсудың» бас бапкері қызметін атқарды. Оның жетекшілігінде команда турнир кестесінде алтыншы орынға көтеріліп, сенсация жасаған.

«Колос» басшылығы жақын арада Костышинге көмектесетін бапкерлер штабының құрамын жариялауды жоспарлап отыр.