Руд ван Нистелрой «Лестердің» жеңілісіне төрешілердің шешімін кінәлады

«Лестер» бас бапкері Руд ван Нистелрой Англия Кубогының 1/16 финалындағы «Манчестер Юнайтедке» қарсы өткен матчтағы төрешілердің шешіміне наразылығын білдірді.

Ойын 2:1 есебімен манкуниандықтардың пайдасына аяқталды. Шешуші голды 93-ші минутта Харри Магуайр соқты. Алайда бұл эпизод үлкен дау тудырды: турнирдің осы кезеңінде бейне-қайталама жүйесі (VAR) қолданылмайды, ал бас төреші Майкл Солсбери ойыннан тыс қалған жағдайды назарға алмады.

«Бізді ферги-тайммен емес, офсайд-тайммен жеңді. Апта бойы біз осы ойынға дайындалдық. ‘Эвертоннан’ жеңілгеннен кейін жақсы футбол көрсеттік, бірақ бәрін төрешілердің анық қателігі шешті. Бұл деңгейде мұндай жағдай мүлдем қабылданбайды. Жігіттер басқа нәтижеге лайық еді» – деді «Лестердің» жаттықтырушысы ITV арнасына берген сұхбатында.