Роман Ротенберг: «Никишин СКА-ның өз адамына айналды»

СКА бас бапкері Роман Ротенберг қорғаушы Александр Никишиннің клубтан кетуіне байланысты пікір білдірді. Петерборлық клубтың телеграм-арнасында жарияланған ақпаратқа сәйкес, 23 жастағы хоккейші НХЛ-ге ауысу ниетін білдіріп, басшылыққа өтініш жасаған — команда бұл шешімді қабылдады.

«Петербордағы үш жыл ішінде ол шынымен де команданың да, қаланың да өз адамына айналды. Біз Сашамен оның болашағы туралы көп сөйлестік — ол СКА үшін шын жүректен алаңдайды және клубтың жүлделер жеңіп алғанын қалайды», — деді Ротенберг.

Никишин СКА құрамында 218 матч өткізіп, 169 ұпай жинады. Ол клуб тарихында бірнеше рекорд орнатып, 21 жасында команда мен Ресей құрамасында ең жас капитан атанды.

«Біз Александрдың спорттық құқықтарын сақтап қаламыз және қайта кездесуге әрдайым қуаныштымыз. Сашамен үнемі байланыста болатынымыз туралы келістік», — деп қосты СКА бас бапкері.