Ресейлік мәнерлеп сырғанаушылар ISU-дың қатаң допинг-бақылауында

ТАСС мәліметінше, 2024/25 маусымында Халықаралық конькимен жүгіру одағының (ISU) қатаң допинг-бақылауындағы жалғыз ресейлік мәнерлеп сырғанаушы — Камила Валиева.

ISU тестілеуінің тіркелген пулында спортшы күн сайын бір сағаттық аралықты көрсетуі керек. Осы уақытта ол алдын ала белгіленген жерде тексеруге қолжетімді болуы қажет. Егер бір жыл ішінде үш рет тестті өткізіп алса, дисквалификацияға ұшырауы мүмкін.

Тағы алты ресейлік спортшы талаптары жеңілірек «кеңейтілген тестілеу пулына» енгізілген:

— Александр Галлямов
— Анастасия Мишина
— Аделия Петросян
— Евгений Семененко
— Иван Букин
— Александра Степанова

Естеріңізге сала кетейік, шамамен бір жыл бұрын Спорттық төрелік сот Валиеваны тыйым салынған триметазидин қолданғаны үшін төрт жылға шеттеткен болатын. Бұл шешім «Пекин Олимпиадасының» командалық турнирінің нәтижелерін қайта қарауға және оның 2021 жылдың соңынан бергі жетістіктерін жоюға әкелді.