ҚазТАГ агенттігінің хабарлауынша, Қазақстан президентінің кеңесшісі — баспасөз хатшысы Руслан Желдібай Мемлекет басшысы Қасым-Жомарт Тоқаевтың «Барыс» хоккей клубындағы балалар-жасөспірімдер құрамаларының жағдайына араласқанын мәлімдеді.
Клуб тәрбиеленушілерінің ата-аналары президентке арнайы үндеу жолдап, қазіргі басшылықтың әрекетсіздігінен туған қаржылық және ұйымдастырушылық қиындықтарға байланысты балалар хоккейінің болашағына алаңдаушылық білдірген.
«Мемлекет басшысының тапсырмасына сәйкес, ‘Барыс’ хоккей клубы балалар-жасөспірімдер құрамаларының 2025/26 маусымында Ресей біріншілігіне қатысуын қамтамасыз ету бойынша нақты шаралар қабылдады», — деді Желдібай.
Оның айтуынша, бюджет шығындарын оңтайландыру арқылы ойыншылар, жаттықтырушылар мен серіктес ұйымдар алдындағы барлық қаржылық міндеттемелер реттелген. Сонымен қатар клубтың қаржылық ахуалының нашарлауына себеп болған лауазымды тұлғаларға қатысты тәртіптік шаралар қолданылған.
