Постекоглу: «ВАР футболды өлтіріп жатыр» — «Челси» матчынан кейінгі ашық мәлімдеме

«Тоттенхэм» бас бапкері Эндж Постекоглу АПЛ аясындағы «Челсиден» 0:1 есебімен болған жеңілістен кейін ВАР жүйесін қатаң сынға алды.

69-шы минутта Пап Матар Сарр гол соққанымен, ВАР жүйесі гол алдындағы сәтте Мойсес Кайседодан допты тартып алу кезінде ереже бұзылды деп шешіп, голды есептемей тастады. Бұл шешім төрешіге алты минутқа жуық уақыт қажет етті.

«Бұл футболды өлтіріп жатыр. Бұл енді бұрынғы футбол емес. Төреші голды есептеді, ал ВАР жүйесі анық қателік деп тапты. Бірақ ол шешімді қабылдауға алты минут қажет болды — бұл ақылға сыймайды», — деді Постекоглу.

Сондай-ақ, бапкер Саррды алаңға шығарған сәтте жанкүйерлер наразылық білдіргенін атап өтті. Қайта қаралған, бірақ есептелмеген голдан кейін Постекоглу алақанын құлағына қойып, бұл шешімге деген көзқарасын білдірді.

Біздің парақшамыздан футбол матчтарының барлық нәтижелерін Live форматта бірінші болып біліңіз!