Пономарев Кокоринді сынға алды: «Мұндай әрекеті үшін жүргізуші куәлігін алу керек»

«Р-Спорт» хабарлауынша, ЦСКА мен КСРО құрамасының бұрынғы қорғаушысы Владимир Пономарев қазіргі таңда Кипрлік «Арис» сапында ойнап жүрген шабуылшы Александр Кокоринді қатаң сынға алды.

Наразылыққа себеп — футболшының жол ережелерін өрескел бұзуы. Ол жылдамдық шектеуі 60 км/сағ болатын жерде 152 км/сағ жылдамдықпен жүрген. Ең сорақысы — бұл сәтте әдепсіз ишара жасаған.

«Әрине, мұндай әрекеті үшін оның жүргізуші куәлігін алу керек. Неге көзге түскісі келеді? Барлық қалыпты адамдар сияқты ережеге сай жүрсін», — деді Пономарев.

Сондай-ақ, ол Кокориннің бұған дейін Ресей Премьер-лигасы деңгейінің төмендігі жайлы айтқан сөзіне де жауап қайтарды:

«Оның қазіргі ұстанымын мүлдем түсінбеймін. Ол Ресейде туған, мұнда білім алған, мансабын құрған. Бірақ егер оның қалауы солай болса — Батысқа барып, сонда өмір сүрсін. Үлкен жоғалтып алған ештеңе жоқ! Мұндай Кокориндер әр командада екі-екіден бар», — деді ардагер футболшы.

Біздің парақшамыздан футбол матчтарының барлық нәтижелерін Live форматта бірінші болып біліңіз!