31.03.2025
Оқу уақыты: 1 мин
5.0 Рейтинг
21 Комментарии

Пол Хекингботтом: «Бес минут бәрін өзгертті — бұл Чемпионшип пен Премьер-лига айырмашылығы»

«Престон» бас бапкері Пол Хекингботтом Англия кубогының ширек финалында «Астон Вилладан» 0:3 есебімен жеңілгеннен кейін BBC Radio 5 Live арнасына сұхбат беріп, матч жайлы пікір білдірді.

«Бірінші таймда қарсыласты жақсы тежедік, тіпті ең қауіпті сәтті өзіміз жасадық. Екінші тайм басында да сол екпінді сақтадық, бірақ бес минут ішінде ойын бізден кетті. Бұл — Чемпионшип пен Премьер-лига деңгейінің айырмашылығы», — деді Хекингботтом.

Ол команда мүмкіндікті пайдалана алмағанына өкініш білдірді:

«Бізге бірінші болып гол соғу қажет еді. Әрине, нәтиже көңіл көншітпейді, бірақ көрсеткен ойынымыз үшін мақтанамыз. Жанкүйерлер үшін бұл есте қаларлық кеш болды. Біз басқаша нәтиже көрсетуіміз мүмкін еді», — деп түйіндеді бапкер.

Сондай-ақ ол «Дипдейл» стадионындағы ерекше атмосфераны атап өтіп, кубоктық науқанды жоғары бағалады. Хекингботтомның сөзінше, маусым басындағы болжамдарға қарамастан, команда дұрыс бағытта дамып келеді.

 

Біздің парақшамыздан футбол матчтарының барлық нәтижелерін Live форматта бірінші болып біліңіз!