«PGL Wallachia Season 3» турнирінде ерекше жағдай орын алды

«PGL Wallachia Season 3» Dota 2 турнирінде қызықты оқиға болды, деп хабарлайды twitch.tv/dota2_paragon_ru.

«Aurora Gaming» командасының ойыншылары Мирослав «Mira» Колпаков пен Егор «Nightfall» Григоренко «Yellow Submarine» командасына қарсы екінші картада кейіпкерлерді таңдау кезінде рөлдерін шатастырып алды.

Команданың саппорты мен керриі қателесіп, Nightfall – Shadow Shaman, ал Mira – Phantom Assassin таңдап қойды. Қысқа үзілістен кейін турнир ұйымдастырушылары шешім қабылдап, командаларға картаны дұрыс кейіпкерлермен қайта бастауға рұқсат берді.

Бұл матч екі команда үшін де аса маңызды. Жеңімпаз турнирдің плей-офф кезеңіне өтсе, жеңілген команда жарыстан шығып қалады. Оқиға орын алған сәтте «Aurora Gaming» сериядағы есепте 1:0 алда тұрды.