Патерсон сүйікті клубына плей-офф үмітін қайтарды

«Ковентри Сити» түлегі әрі жанкүйері Джейми Патерсон Портсмутқа қарсы ойында жеңіс голын соғып, командасын плей-офф аймағына қайта шығарды — есеп 1:0.

Ақпан айында келісімшартқа отырған 33 жастағы футболшы алаңға ауыстыру арқылы шығып, алыс бұрышқа бағыттаған соққысымен ойын тағдырын шешті. Бұл — «Ковентри» сапындағы бесінші ойыны, жалпы небәрі 42 минут алаңда болды.

Бұған дейін Патерсон «Ноттингем Форест», «Хаддерсфилд», «Бристоль Сити», «Дерби Каунти» және «Суонси» командаларында ойнаған. Ол соңғы клубы — америкалық «Шарлоттан» ауысып келген.

«Жанкүйері болған командаң үшін жеңіс голын соғу — плей-офф финалындағы голмен ғана тең келетін эмоция. Өз мүмкіндігімді күттім, тынымсыз жаттықтым. Бұған дейін соққы да жасай алмаған сәттер болды, сол үшін бұл жолы мүмкіндікті жібермедім», — деді Патерсон BBC Radio CWR-ге.

«Ковентри» келесі ойынын дүйсенбі күні сырт алаңда «Халл Ситиге» қарсы өткізеді. Плей-офф үшін бәсекелес командалар өз матчтарын сенбіде өткізеді.

Біздің парақшамыздан футбол матчтарының барлық нәтижелерін Live форматта бірінші болып біліңіз!