Овечкин НХЛ-де есеп ашқан голдар саны бойынша жаңа рекорд орнатты

«Вашингтон» шабуылшысы Александр Овечкин ҰХЛ-де тағы бір тарихи межеден өтті — ресейлік хоккейші «Коламбусқа» қарсы ойынның екінші минутында есеп ашып, мансабындағы есеп ашқан 150-ші голын салды. Бұл туралы лиганың ресми сайты хабарлады.

Бұл көрсеткіш бойынша ол лиганың барлық ойыншыларын артта қалдырды. Бұған дейінгі рекорд иесі — 135 голмен Яромир Ягр болатын.

«Кэпиталз» бұл кездесуде 1:4 есебімен жеңілді. Алайда, 39 жастағы Овечкиннің өзі маусымды өте жоғары деңгейде өткізіп келеді: 63 ойында 71 ұпай жинап, 43 шайба соқты. Оның пайдалылық көрсеткіші — «+15».

«Біз өз мүмкіндіктерімізді пайдалануымыз керек. Плей-оффта әрбір деталь маңызды. Біз үлкен ойыншылармыз және не үшін күресіп жатқанымызды жақсы түсінеміз», — деді матчтан кейін капитан.