Өнер Сейілхан Әлем чемпионатының ширек финалына жолдама алды

Sports.kz мәліметінше, қазақстандық боксшы Өнер Сейілхан Черногорияның Будва қаласында өтіп жатқан 2024 жылғы жастар арасындағы әлем чемпионатында ерекше шеберлік танытты.

Турнирдің 1/8 финалында 71 келіге дейінгі салмақ дәрежесінде өнер көрсеткен Сейілхан Пәкістандық Мұхаммед Әли Шахзадпен кездесті. Жекпе-жек мерзімінен бұрын аяқталып, қазақстандық боксшы үшінші раундта техникалық нокаутпен жеңіске жетті. Судья Шахзадты екі рет нокдаунға жібергеннен кейін, жекпе-жекті тоқтату туралы шешім қабылдады.

Бұл жеңіс Өнер Сейілханды әлем чемпионатының ширек финалына шығарды. Айта кету керек, бұл оның турнирдегі екінші жеңісі. Дебюттік жекпе-жегінде ол беларусь боксшысы Иван Синяктан басым түсіп, қарсыласын нокдаунға жіберіп, төрешілердің бірауыздан шешімімен жеңіске жетті.

Сейілхан биыл халықаралық аренада өзін жақсы жағынан көрсетті. Оның жетістіктерінің қатарында Азия жастар чемпионатының алтын медалі мен Еуразия Кубогының қола жүлдесі бар. Әлем чемпионатындағы бұл жетістіктер қазақстандық жас боксшының әуесқой бокс әлемінде сенімді қадам жасап келе жатқанын көрсетеді.