Олд Траффордтағы Манчестер дербиі тең есеппен аяқталды

Ағылшын Премьер-лигасының 31-ші тур аясында «Олд Траффорд» стадионында Манчестер дербиі өтті — Манчестер Юнайтед пен Манчестер Сити командалары 0:0 есебімен тең түсті.

Манчестер клубтарының текетіресінде голсыз нәтиже соңғы бес жылда алғаш рет тіркелді. Бұл кездесуден кейін Хосеп Гвардиоланың шәкірттері 52 ұпаймен турнир кестесінде бесінші орынды иеленсе, «қызыл жындылар» 38 ұпаймен 13-ші орынға жайғасты.

Алдағы ойындарда командаларды әртүрлі турнирлер күтіп тұр — «Юнайтед» Еуропа Лигасының ширек финалында «Лионмен» кездесу үшін Францияға аттанады, ал «қала тұрғындары» Ағылшын чемпионаты аясында «Кристал Пэласты» қабылдайды.