«Ньюкасл» «Арсеналды» жеңіп, Лига кубогының финалына үшінші рет шықты

Эдди Хау басқаратын Ньюкасл Юнайтед ағылшын Лига кубогының финалына шығып, тарихи жетістікке қол жеткізді. Команда жарты-финалдың екі матчында да лондондық Арсеналды 2:0 есебімен жеңді.

«Қара-ақ» (жанкүйерлер команданы осылай атайды) клуб тарихында тек үшінші рет турнирдің шешуші матчына жолдама алды — алдыңғы әрекеттер сәтсіз аяқталған: жарты ғасырға жуық уақыт бұрын 1976-шы жылы команда Манчестер Ситиден 1:2 есебімен жеңілсе; ал жақында 2023-ші жылы басқа манчестерлік клуб — Юнайтедтен 0:2 есебімен ұтылған.

Алдағы финалда Хаудың шәкірттері екінші жарты-финалдық қарсыластықта күш сынасып жатқан Ливерпуль мен Тоттенхэм арасындағы жеңімпазбен кездеседі.