«NS» «TORONTOTOKYO»-ның «Aurora Gaming»-тегі жаңа рөліне күмәнмен қарайды

«Dota2.ru» порталының хабарлауынша, танымал стример Ярослав «NS» Кузнецов «Aurora Gaming» құрамындағы Александр «TORONTOTOKYO» Хертектің офлейнер позициясына ауысуына қатысты өз пікірін білдірді.

«Асығыс қорытынды жасамас едім — біз «Aurora Gaming»-тің көп ойынын көре қойған жоқпыз. Мүмкін, «TORONTOTOKYO» әлі де өзін көрсетер. Дегенмен, мен бұған онша сенбеймін. Менің ойымша, ол супержұлдыз емес, орташа ойыншылар санатына жатады. Иә, ол «The International» жеңімпазы, бұл жетістік, бірақ мен үшін ол элитаға кірмейді — позициясына қарамастан», — деді «NS».

Александр «TORONTOTOKYO» Хертек «Aurora Gaming» құрамына қосылғаннан кейін «үшінші» позицияға ауысты. Бұған дейін ол «Team Spirit» құрамында мидер ретінде «The International 10» турнирін жеңіп, кейін «BetBoom Team» сапында саппорт рөлінде ойнаған еді.