Норрис Жапония Гран-приінің соңғы жаттығуында топ жарды, сессия екі рет тоқтатылды

«McLaren» командасының пилоты Ландо Норрис Жапония Гран-приінің үшінші жаттығуында үздік нәтиже көрсетіп, 1:27.965 уақытын тіркеді. Ол командаласы Оскар Пиастриден небәрі 0.026 секундқа ғана жылдамырақ болды.

Сессия барысында жол бойындағы шөптің жануына байланысты қызыл жалаулар екі рет көтерілді. Алғашқы оқиға жаттығу басталғаннан кейін алты минут өткенде шикана аймағында орын алса, екіншісі «Sauber» пилоты Габриэль Бортолето көлікпен жол шетіне шығып кеткеннен кейін 130R бұрылысы маңында болды.

Үздік ондық:

1. Ландо Норрис («McLaren»)
2. Оскар Пиастри («McLaren»)
3. Джордж Расселл («Mercedes»)
4. Шарль Леклер («Ferrari»)
5. Макс Ферстаппен («Red Bull»)
6. Льюис Хэмилтон («Ferrari»)
7. Алекс Албон («Williams»)
8. Пьер Гасли («Alpine»)
9. Юки Цунода («Racing Bulls»)
10. Исаак Хаджар («Racing Bulls»)

Ферстаппен кейбір бұрылыстарда көлікпен күресу қиын болғанын айтып, басқаруға байланысты шағымданды.

Сонымен қатар, төрешілер Макс Ферстаппен мен Оскар Пиастридің пит-лейннен шыққаннан кейін жаттығу стартын орындау ережесін бұзуы мүмкін деген күдікпен тексеріс бастады.