Нико Әли Уолш: «Усик – атам Мұхаммед Әлидің заманауи нұсқасы»

Isport.ua мәліметі бойынша, әйгілі Мұхаммед Әлидің немересі Нико Әли Уолш атасы мен украиналық чемпион Александр Усиктің арасындағы ұқсастықтарға назар аударды.

«Менің атам мен Усиктің туған күні бір күнде – 17 қаңтар. Сонымен қатар, олардың дене бітімі де ұқсас. Бұл Александрды менің атамның заманауи нұсқасы етеді, бірақ техника жағынан емес, физикалық қасиеттері бойынша. Александр керемет бокс көрсетті. Мен өзім Фьюриді қолдадым, дегенмен Усик мықты жекпе-жектер өткізді» – деді Уолш.

Нико Әли Уолш өзінің атасының қазіргі супер-ауыр салмақта да үстемдік ете алатынына сенімді. Алайда бұл мәселеде біржақтылық танытатынын мойындады.

«Егер Усик пен Мұхаммед Әли арасындағы гипотетикалық жекпе-жек туралы сөз қозғасақ, бұл нағыз ғаламат кездесу болар еді. Екеуінде де ерекше харизма мен шексіз талант бар. Дегенмен, мен әрине атамды таңдар едім,» – деп мәлімдеді.

Айта кетейік, Нико Әли Уолш та кәсіби бокста өз жолын жалғастырып келеді. Қазіргі таңда оның рекорды – 10 жеңіс пен 1 жеңіліс.