Никита Кучеров НХЛ-дің үздік сұрмергені атанып, Арт Росс Трофиін үшінші рет жеңіп алды

НХЛ-дің ресми сайтының хабарлауынша, «Тампа-Бэй Лайтнинг» шабуылшысы Никита Кучеров тұрақты маусымда 78 матчта 121 ұпай жинап, лиганың ең үздік сұрмергені атанды. Осылайша ресейлік хоккейші Арт Росс Трофиін үшінші рет иеленді.

Бұл жетістік арқылы Кучеров осы трофейді екі рет алған Евгений Малкинді басып озып, оны үш мәрте жеңіп алған тұңғыш ресейлік хоккейші атанды.

Сонымен қатар, Кучеров Арт Росс Трофиін үш немесе одан да көп рет жеңіп алған НХЛ тарихындағы оныншы ойыншы болды.

Бірнеше мәрте Арт Росс Трофиін жеңіп алған хоккейшілер тізімі:

• Уэйн Гретцки — 10
• Горди Хоу — 6
• Марио Лемье — 6
• Фил Эспозито — 5
• Яромир Ягр — 5
• Коннор Макдэвид — 5
• Стэн Микита — 4
• Бобби Халл — 3
• Ги Лефлер — 3
• Никита Кучеров — 3

Кучеровтың бұл маусымдағы нәтижелері — 44 гол және 77 нәтижелі пас. Ол лиганың үздік шабуылшылары қатарындағы орнын тағы бір мәрте дәлелдеді.