Нэтан Маккиннон Төрт ұлт турнирінің ең құнды ойыншысы атанды

«Колорадо» клубының ресми сайтының хабарлауынша, Нэтан Маккиннон Төрт ұлт турнирінің MVP жүлдесін иеленді.

Жеңімпазды ESPN, TNT, Sportsnet және TVA медиа-компанияларының 12 өкілі дауыс беру арқылы анықтады.

29 жастағы канадалық шабуылшы турнирде тамаша нәтиже көрсетті — 4 матчта 4 шайба соғып, «+4» пайдалылық көрсеткішін тіркеді.

Айта кетерлігі, MVP анықтау үшін дауыс беру финалдық матчтың негізгі уақытының аяқталуына 10 минут қалғанда өтті. Сол кездесуде Маккиннон есеп ашып, Канада құрамасы АҚШ-ты овертаймда 3:2 есебімен жеңді.