Нэтан Макиннон НХЛ-дің үздік сұрмергені атанды

НХЛ-дің ресми сайты хабарлағандай, «Колорадо Эвеланш» шабуылшысы Нэтан Макиннон лигадағы үздік сұрмерген атанды. Ол «Вегас Голден Найтспен» өткен ойында Валерий Ничушкинге нәтижелі пас беріп, ұпай санын арттырды. Матч буллиттер сериясында 3:2 есебімен «Колорадоның» пайдасына аяқталды.

29 жастағы канадалық шабуылшы осы маусымда 79 ойынның қорытындысы бойынша 116 ұпай (32 гол + 84 пас) жинап отыр. Бұл көрсеткіш «Тампа-Бэй» шабуылшысы Никита Кучеровтан (73 ойында 115 ұпай: 34 гол + 81 пас) озуға мүмкіндік берді.

Тұрақты маусымның соңына дейін екі ойыншының командаларын мынадай матчтар күтіп тұр:

• «Колорадо»: Ванкувер, Лос-Анджелес, Анахайм (3 матч)

• «Тампа-Бэй»: Торонто, Детройт, Баффало, Флорида, Рейнджерс (5 матч)

«Арт Росс Трофиі» үшін күресте екі ойыншының ұпай саны теңескен жағдайда, жеңімпаз мынадай тәртіппен анықталады:

1. Көбірек гол соққан ойыншы

2. Азырақ матч өткізген ойыншы