Наполи бапкері Серия А-да қаңтар айының үздік бапкері атанды

Серия А-ның X-тегі ресми аккаунтының мәліметінше Антонио Конте италиялық чемпионатта қаңтар айының үздік бапкері атанды.

Тәжірибелі маманның жетекшілігімен «Наполи» клубы жылдың бірінші айында мінсіз нәтиже көрсетті — команда барлық төрт кездесуде жеңіске жетті.

«Наполидің» қаңтардағы жеңістер тізімі:

• «Фиорентина» — 3:0
• «Верона» — 2:0
• «Аталанта» — 3:2
• «Ювентус» — 2:1

Қазіргі уақытта Контенің шәкірттері Серия А турнирлік кестесінде 23 турдан кейін 54 ұпай жинап, бірінші орында тұр. Бұл ең жақын қарсыласы — миландық «Интерден» үш ұпайға артық.