«Mundo Deportivo» мәліметі бойынша, «Барселона» мен «Осасуна» арасындағы матч кейінге қалдырылды

Ла Лиганың 27-ші турындағы «Барселона» мен «Осасуна» арасындағы кездесу каталондық клубтың медициналық қызметкері Карлес Миньярроның қайтыс болуына байланысты кейінге шегерілді.

40 жастағы дәрігер сегіз жыл бойы «Барселона» жүйесінде қызмет атқарған. Биылғы маусымда ол футзал командасынан негізгі футбол құрамына ауысқан еді.

«Барселона» ойыншылары матчты кейінге қалдыру туралы басшылыққа өтініш білдірді, және бұл өтініш оң шешімін тапты. Кездесудің жаңа уақыты кейінірек хабарланатын болады.