Микко Рантанен бұрынғы командасына қарсы алғаш рет ойнады

НХЛ-дің ресми сайтының хабарлауынша, шабуылшы Микко Рантанен он жылға жуық уақыт өнер көрсеткен «Колорадо Эвеланш» командасына қарсы алғаш рет ойнады.

«Даллас Старз» сырт алаңда овертаймда 3:4 есебімен жеңілді, бірақ Рантанен ойынның алғашқы голын соққан Джейсон Робертсонға нәтижелі пас берді.

Кездесу барысында «Колорадоның» үй аренасында жанкүйерлер фин шабуылшысына арнап бейнеролик көрсетті. Ол 2015 жылдан бері осы команда сапында ойнап, 2022 жылы Стэнли Кубогын жеңіп алған болатын.

«Алғашқы оралу өмірде бір-ақ рет болады — бұл ерекше сәт. Бейнеролик пен он жыл бойы қолдау көрсеткен жанкүйерлердің ықыласы мәңгі есімде қалады. Оларға рақмет», — деді Рантанен.