Микель Артета: «Сака ойынға дайын»

«Арсеналдың» бас бапкері Микель Артета команда жанкүйерлеріне жағымды жаңалық жеткізді — қанат шабуылшы Букайо Сака толық қалпына келіп, қайта қатарға қосылды.

Ағылшын футболшысы «Кристал Пэласқа» қарсы ойында алған жарақаттан кейін тізе сіңіріне жасалған операция салдарынан үш ай бойы алаңнан тыс қалған. Жарақатқа дейін Сака маусымда 24 матчта 9 гол және 10 нәтижелі пас тіркеген болатын.

«Букайо ойынға дайын. Барлық қажетті процедуралар аяқталды. Енді оның алаңға оралуы үшін дұрыс сәтті таңдау маңызды. Ол өте ынталы», — деді Артета.

«Сака — біздің күшті қаруымыз. Оның командаға әсері мен табысымыздағы рөлі өте жоғары», — деп қосты «зеңбіректілер» бапкері.

Қазіргі уақытта «Арсенал» Премьер-лиганың турнирлік кестесінде екінші орында. Чемпионаттың аяқталуына тоғыз тур қалғанда команда көшбасшы «Ливерпульден» 12 ұпайға қалып тұр.

Біздің парақшамыздан футбол матчтарының барлық нәтижелерін Live форматта бірінші болып біліңіз!