Микель Артета: «Эвертон» соққан пенальти — дұрыс шешім емес

«Арсеналдың» бас бапкері Микель Артета Англия Премьер-лигасының 31-ші турында «Эвертонға» қарсы өткен матчтағы төрешінің шешіміне наразылығын білдірді, деп хабарлайды afcstuff.

Ойынның 46-шы минутында төреші Даррен Инглэнд Майлз Льюис-Скелли мен Джек Харрисон арасындағы эпизодтан кейін пенальти белгіледі. «Эвертон» ойыншысы «зеңбіректілердің» қорғаушысымен жанасқан соң айып алаңында құлаған болатын.

«Біз, менің ойымша, болмауы тиіс пенальтиден гол жібердік — бұл өте анық эпизод. Контакт тым әлсіз болды, әрі ол айып алаңының сыртында басталып, ішкі жағында ештеңе болған жоқ. Мен бұл сәтті 15 рет қайта қарадым, және бұл ешқашан пенальти бола алмайды деген пікірдемін», — деді Артета.

Біздің парақшамыздан футбол матчтарының барлық нәтижелерін Live форматта бірінші болып біліңіз!