«MIBR» жаңа бас бапкерін тағайындады

HLTV.org мәліметінше, «MIBR» киберспорт ұйымы Counter-Strike 2 құрамының жаңа бас бапкерін таныстырды. Бұл қызметке бұған дейін «FURIA Esports Female» әйелдер командасымен жұмыс істеген Джонатан «jnt» Сильва тағайындалды.

Сильва ақпан айында қызметінен кеткен Бруно «BIT» Лиманың орнын басты. Ол ESL Pro League Season 21 турнирінде командамен бейресми түрде жұмыс істеді, алайда ресми тіркеудің болмауына байланысты ойыншылардың артында тұра алмады.

Жаңа бапкердің алғашқы турнирі сәтсіз өтті – «MIBR» екінші топтық кезеңде «Team Vitality», «Eternal Fire» және «FURIA Esports» командаларынан жеңіліп, 15-16 орынмен шектелді.