Марта Костюк жарақатына байланысты Штутгарт турнирінен бас тартты

Әлемнің 25-ші ракеткасы Марта Костюк биыл Штутгарттағы турнирге қатыса алмайды. Украиналық теннисші Билли Джин Кинг Кубогы аясындағы соңғы матчында жарақат алып, жарысқа шықпауға мәжбүр болды.

«Өкінішке қарай, Билли Джин Кинг Кубогындағы соңғы матчымда жарақат алдым және биыл Штутгартта ойнай алмаймын. Барша жанкүйерлерден кешірім сұраймын, қолдау білдіргендеріңізге рахмет», — деп жазды Костюк әлеуметтік желіде.

Турнирдің бірінші айналымында ол әлемнің жетінші ракеткасы Мирра Андреевамен кездесуі тиіс еді. Бұл қос теннисшінің WTA деңгейіндегі алғашқы кездесуіне айналуы мүмкін болатын. Айта кетейік, ресейлік Андреева 2024 жылы Дубай мен Индиан-Уэллс турнирлерінде жеңіске жетіп, екі бірдей титул иеленді.