Маркус Кьербай BLAST Open Lisbon 2025 қатысушыларына көмектесуге дайын

Даниялық киберспортшы Маркус Кьербай BLAST Open Lisbon 2025 топтық кезеңіне қатысатын ойыншыларға қолдау көрсетуге дайын екенін мәлімдеді. Бұл туралы ол X-тегі жеке парақшасында жазды.

Қазіргі таңда «JiJieHao» сапында уақытша белсенді емес ойыншы әріптестеріне физиотерапиялық клиникада бұлшықет қысымы мен күйзелісті жеңілдетуге көмектесуді ұсынды.

«Құрметті ойыншылар мен талдаушылар, Копенгагенге қош келдіңіздер. Сейсенбі және сәрсенбі күндері физиотерапиялық клиникада менің кестем бос. Менің процедураларым сіздерге дене ауруы, бас ауруы, күйзеліс және басқа да мәселелерді жеңуге көмектеседі», – деп жазды Кьербай.

Айта кетейік, Маркус Кьербай кезінде «Astralis» сапында ойнап, The ELEAGUE Major 2017 чемпионы атанған. Сондай-ақ, сол турнирдің ең құнды ойыншысы болып танылған.